Escola

Horarios e grupos

Para aprender a calquera idade

A escola é o motor de Donaire: un espazo de aprendizaxe, convivencia e creación onde cada alumno atopa o seu lugar na tradición.

Baile

Ensínanse os pasos e estruturas do baile tradicional galego, desde a iniciación ata niveis avanzados, sempre respectando as variantes propias de cada comarca.

Pandeireta

Aprendizaxe da técnica tradicional, repertorio vocal e rítmico, interpretación individual e en grupo.

Pandeiro

Formación na técnica e usos deste instrumento tradicional, complementando o traballo vocal e percutivo.

Percusión

Tamboril, bombos e instrumentos de acompañamento que conforman a base rítmica das nosas pezas.

Gaita

Formación musical en gaita galega, técnicas interpretativas e repertorio tradicional.

Acordeón

Clases de iniciación e perfeccionamento dun instrumento presente en moitas tradicións musicais galegas.

Clases

A preinscrición permanece aberta todo o ano e pódese solicitar información ou visitar a escola durante o horario lectivo.

Recomendamos escribir ou chamar para poder atopar o mellor encaixe.

Inscrición


Curso escolar

Calendario curso 25/26

Na escola de Donaire seguimos o calendario escolar para as nosas clases, engadindo os meses de xullo e agosto no que continuamos as clases con normalidade, adaptando horarios para as clases de nenos e nenas. A primeira quincena do mes de setembro é de vacacións.

No curso 25/26 teremos os seguintes festivos e vacacións:

Primeiro trimestre, 2025:
  • Sábado 1 de novembro – Festivo estatal.
  • Do sábado 6 ao luns 8 de decembro – Festivos estatais, ponte da Constitución.
  • Vacacións de Nadal: Do luns 22 de decembro ao mércores 7 de xaneiro (ambos inclusive).
Segundo trimestre, 2026:
  • Luns 16 e martes 17 de febreiro – Entroido
  • Mércores 18 de febreiro – Mércores de Cinza (só haberá clases de adult@s pola tarde).
  • Xoves 19 de marzo – Festivo autonómico
  • Semana Santa: Do luns 30 de marzo ao domingo 5 de abril (ambos inclusive).
Terceiro trimestre, 2026:
  • Venres 1 de maio – Festivo estatal.
  • Martes 23 e mércores 24 de xuño – San Xoán (Festivo local).

Ademais non haberá clase os seguintes días por actividades da asociación:

  • Festival “O berce de Donaire”. 
  • Foliada en Eirís.
  • Dálle Donaire.

Curso de verán

Adaptación da actividade segundo festivais, eventos e necesidades da escola. Publicarase nos vindeiros meses.